Drop Down MenusCSS Drop Down MenuPure CSS Dropdown Menu

بنات حوا



اهلا بيكم فى اولى موضوعات موقع ادم و حوا 

قبل ما ندرس او نعرف اى موضوع لازم نعرف اساسياته ومبادئه او مثلا اى مشكلة لازم نعرف اسبابها عشان نعرف نحلها ، كذلك الامر فى الثقافة الجنسية ، احب اقول بكل بساطة ان بداية اى مشكلة جنسية فى حياتنا بتبدأ من جهلنا بتركيبنا التناسلى و وظائف اعضائنا و ايضا التركيب التناسلى للجنس الاخر ، عشان كدة موضوعنا النهاردة هانتعرف فيه على شرح مبسط للتركيب التناسلى لادم و حوا و بما ان الذوق العام بيقول السيدات اولا فا هانبدأ بحوا .

التركيب زى ما انتو شايفين فى الصورة كدة 


الرحم : اهم جزء فى الجهاز التناسلى هو الرحم لانه المكان اللى بيحتوى البيبى و بيكبر فيه اثناء الحمل ، الرحم عبارة عضو مجوف مكون من عضلات قوية و مرنة جدا و له جدار سميك ، الرحم بيشبه الكمثرى المقلوبة فى الشكل و الحجم كمان بحيث ان طولة بيبقى فى المتوسط 7 سم و عرضه 5
و من رحمة ربنا سبحانه و تعالى انه خلق عضلات الرحم و جداره بمرونة عالية جدا زى المطاط كدة عشان تتمدد بحجم كبير يساوى ضعف حجمهها الطبيعى 22 مرة تقريبا عشان تقدر تستوعب الجنين
و المرونة دى مش فى الرحم بس لا دى خاصية فى كل اعضاء الجهاز التناسلى فى اى انثى


المبيض : ثانى اهم عضو تناسلى فى الانثى لانه المسئول عن تكوين البويضات و الهرمونات الجنسية زى هرمون الاستروجين كدة ، و ده الهرمون المسئول عن ظهور كل المظاهر الانثوية في البنت زى زيادة دهون الجسم و ابراز ملامحه ، حدوث الدورة الشهرية ، بروز الصدر و هكذا .
المبيض حجمه بيبقى زى لوزة البندق الكبيرة او لوزة عين الجمل مثلا و حجمه بيختلف من بنت للتانية ، و مش بيبقى فيه مبيض واحد بس لا ده فيه اتنين زى ما شايفين فى الصورة ، و المبيضين بيبدلو مع بعض فى افراز البويضات فى كل دورة شهرية يعنى كل شهر واحد بس اللى بيفرز البويضة و دى تفاصيل هانعرفها اكتر فى مواضيع قادمة عن الدورة الشهرية .


قناة فالوب : عبارة عن قناة او انبوبة موصولة بين الرحم و المبيض و من اهم وظائف القناه دى انها ممر بينقل البويضة من المبيض و يوصلها للرحم و ده بيحصل عن طريق شعيرات بسيطة متحركة موجودة فى القناه دى هى اللى بتدفع البويضة فى طريقها للرحم .


المهبل : عبارة عن قناه انبوبية الشكل ايضا بتبقى موصولة من عنق الرحم لغاية فتحة خارجية بين الفخدين تسمى الفرج و هايتم شرح المنطقة دى
المهبل بيبقى طوله فى متوسط 10 سم و له جدران عضلية مبطنة بغشاء مخاطى و سوائل رطبة عشان تحافظ عليه من الجفاف و وظيفته مهمة جدا فى انه القناه اللى بيخرج من دم الدورة الشهرية و اثناء الولادة يمر منه الطفل و ده بسبب المرونة العالية اللى قولنا عليها فى شرح الرحم 

الفرج ( المهبل الخارجى ) : دى عبارة عن منطقة خارجية للجهاز التناسلى بتبقى موجودة بين الفخدين و فيها اعضاء صغيرة و حساسة جدا و اليكم الصورة التوضيحية 


الفرج زى ما قولنا بيتكون من اعضاء حساسة جدا منها 

البظر : ده اهم عضو جنسى موجود فى الانثى و المسئول عن اغلب مشاعرها الجنسية و ده لان ربنا سبحانه و تعالى خلق فى العضو الصغير البسيط ده كمية كبيرة من النهايات العصبية الحساسة جدا هى المسئولة عن اللذة الجنسية عند الانثى ، النهايات العصبية دى عددها يقدر علميا مش اقل من 8000 نهاية عصبية

فتحة الاحليل : و دى عبارة عن فتحة مجرى البول 

الفتحة المهبلية : و دى فتحة قناة المهبل السابق شرحها و الفتحة دى عن طريقها تتم العلاقة الجنسية بين الرجل و المرأة 

الشفرات او الشفة الداخلية : عبارة عن قطعتين رقيقتين جدا من الجلد واحدة على كل جانب متصلين ببعضهم تقوم بالاغلاق على الفتحة المهبلية و فتحة الاحليل 

الشفرات او الشفة الخارجية : ايضا قطعتين من الجلد السميك تغطيان البظر و الشفرات الداخلية و الفرج بأكمله


و بكدة نكون وصلنا للنهاية المؤقتة لموضوعنا بعد ما شرحنا الجهاز التناسلى لبنات حوا بشكل بسيط و وافى 
استنونا فى المقالة الجاية عشان نكمل بعض شرح الجهاز التناسلى لأولاد ادم

ليست هناك تعليقات:

إرسال تعليق

Blogger Tips and TricksLatest Tips And TricksBlogger Tricks